Նավթի համաշխարհային գներն աճել են՝ գազի թանկացման ֆոնին

Նավթի համաշխարհային գները երկուշաբթի առավոտյան աճել են ավելի քան 2 տոկոսով, քանի որ դրա բարձր պահանջարկը պայմանավորված է նախևառաջ գազի թանկացմամբ: «ՌԻԱ Նովոստի»-ի փոխանցմամբ՝ այս մասին վկայում են աճուրդների տվյալներն ու վերլուծաբանների մեկնաբանությունները:

Ինչպես հաղորդվում է, Brent ապրանքանիշի նավթի դեկտեմբերյան ֆյուչերսների գինը աճել է 1.63 տոկոսով՝ հասնելով 83.74 դոլարի՝ մեկ բարելի համար, իսկ WTI տեսակի նավթի նոյեմբերյան ֆյուչերսների գինը՝ 2.04 տոկոսով՝ հասնելով 80.95 դոլարի՝ մեկ բարելի համար:

Նավթի շուկայում երկուշաբթի առավոտյան շարունակվում է նախորդ շաբաթ արձանագրված թանկացումը, ինչը պայմանվորված է կապույտ վառելիքի գնաճի ֆոնին հումքի աճող պահանջարկով: