Ռոբերտ Քոչարյանը հանդիպել է ԱԱԾ պահեստազորի սպաներին. քննարկվել են երկրի անվտանգային խնդիրները

Հայաստանի Հանրապետության երկրորդ նախագահ Ռոբերտ Քոչարյանի հետ այսօր հանդիպում են ունեցել «ԱԱԾ պահեստազորի սպաների միություն» հասարակական կազմակերպության համահիմնադիրներ Հրանտ Եպիսկոպոսյանը, Վրեժ Արզումանյանը, Միքայել Համբարձումյանը: Այս մասին հայտնում է «ԱԱԾ պահեստազորի սպաների միություն» հասարակական կազմակերպությունը:

Քննարկվել են երկրի անվտանգային խնդիրները, տարածաշրջանային հնարավոր մարտահրավերներին առնչվող հարցերը, անդրադարձ է կատարվել երկրի ներսում ձևավորված բարոյահոգեբանական մթնոլորտին: