Պայթյուն է որոտացել Թուրքիայում կառուցվող «Ակույու» ատոմակայանում (տեսանյութ)

Միջադեպ է տեղի ունեցել Թուրքիայի Մերսին քաղաքում կառուցվող «Ակույու» ատոմակայանում: Այս մասին հայտնում է «Մեհր» գործակալությունը՝ հղում անելով թուրքական լրատվամիջոցներին:

Ինչպես հաղորդվում է, միջադեպը տեղի է ունեցել կիրակի, երբ ատոմակայանի տարածքում պայթյուն է որոտացել էլեկտրական տրանսֆորմատորում, ինչին հաջորդել է ոչ մեծ հրդեհը:

Կատարվածը խուճապ է առաջացրել աշխատակիցների և մոտակայքում գտնվող մարդկանց շրջանում: