Չավուշօղլուն խոսել է Թուրքիայի և Ռուսաստանի միջև տարաձայնությունների մասին

Ուկրաինայի թեման զգայուն է Թուրքիայի և Ռուսաստանի հարաբերություններում, սակայն կառուցողական երկխոսությունը շարունակվում է, Անկարան կշարունակի ջանքերը՝ Ղրիմի թաթարների անվտանգությունն ապահովելու համար, ասել է Թուրքիայի արտգործնախարար Մևլութ Չավուշօղլուն։

Այս մասին հայտնում է «ՌԻԱ Նովոստին»։

«…Մենք Ռուսաստանի հետ ունենք տարաձայնություններ, բայց շարունակում ենք կառուցողական երկխոսությունը՝ պահպանելով փոխադարձ զգայունություն որոշ հարցերի շուրջ: Ուկրաինայի թեման դրանցից մեկն է: Մենք չենք ճանաչում և Ղրիմի անօրինական բռնակցումը։ Մենք կշարունակենք ձգտել Ղրիմի մեր թաթար հայրենակիցների անվտանգությանն ու բարեկեցությանը»,- ասել է նա։