Ռոբերտ Քոչարյանի գործով դատական նիստը հետաձգվել է մեկ շաբաթով

Երևան քաղաքի ընդհանուր իրավասության դատարանը (Շենգավիթի նստավայր) հետաձգել է ՀՀ երկրորդ նախագահ Ռոբերտ Քոչարյանի և ՀՀ նախկին փոխվարչապետ Արմեն Գևորգյանի գործով քննությունը։

Քոչարյանի պաշտպանական կողմը նախապես դիմել է դատարանին և տեղեկացրել, որ երկրորդ նախագահը մասնակցելու է ՀՀ երրորդ նախագահ Սերժ Սարգսյանի մոր հուղարկավորության արարողությանը։ Դատարանը բավարարել է պաշտպանների դիմումը։