«Իրանական անօդաչուները փուշ են դարձել մեր թշնամիների մարմնում». իրանցի գեներալ
ՄԻՋԱԶԳԱՅԻՆ
Իրանի «Իսլամական հեղափոխության պահապանների կորպուսի» օդատիեզերական ուժերի հրամանատար, բրիգադային գեներալ Ամիրալի Հջիզադեն հայտարարել է, որ Իրանի նկատմամբ զենքի էմբարգո սահմանելու թշնամու փորձերը ձախողվել են:
Ինչպես փոխանցում է «Մեհր» գործակալությունը, գեներալի խոսքով՝ Իրանի ռազմական ուժը սահմանափակելուն ուղղված ցանկացած բանակցություն ապարդյուն է:
«Այսօր երկրի անվտանգությունն օրինակ է ծառայում, և մենք բանակցելու կարիք չունենք մեր ռազմական հզորության չափի շուրջ: Իսլամական Հանրապետության անօդաչուները փուշ են թշնամիների մարմնում, և նրանք ասում են, որ մենք պետք է սահմանափակենք դրանք»,- ասել է իրանցի գեներալը հինգշաբթի՝ իրանական հրթիռային արդյունաբերության հիմնադիր Հասան Թեհրանի Մողադամի նահատակության 1-րդ տարելիցին նվիրված արարողության ժամանակ:
