Ադրբեջանական զինուժը Ղարաբաղում կիրառել է «Բուկ» հակաօդային պաշտպանության հրթիռային համակարգը «Սմերչ»-ի հրթիռները որսալու համար
ՔԱՂԱՔԱԿԱՆՈՒԹՅՈՒՆdiscover24.ru-ն գրում է, որ ադրբեջանցի զինծառայողները հայտնել են, որ Ղարաբաղում մարտական գործողությունների ընթացքում որսացել են «Սմերչ» համակարգի հրթիռները` օգտագործելով «Բուկ» հակաօդային պաշտպանության հրթիռային համակարգը։
Հակամարտությունը տեղի է ունեցել մեկ տարի առաջ, սակայն ադրբեջանցի զինվորականներն այս միջադեպի մասին որոշել են պատմել միայն հիմա։ Այս մասին հայտնել է Voenny Obozrevatel հեռագրային ալիքը։ Հաղորդվել է, որ տեսանյութը ցույց է տալիս, թե ինչպես է «Բուկ» հակաօդային պաշտպանության հրթիռային համակարգը օգտագործվում «Սմերչ»-ի հրթիռները որսալու համար։ Նշվել է, որ «Բուկը» պատկանում է Ադրբեջանին, իսկ արկերն արձակել է Հայաստանը։ Թե կոնկրետ երբ են կիրառվել այդ զենիթահրթիռային համակարգերը, ադրբեջանցի զինվորականները չեն հայտնել։ Ընդհանուր առմամբ, որսացվել է երկու հրթիռ։ Թե ինչ թիրախ պետք է նրանք խոցեին, նույնպես չի նշվել։
Վերջերս Ադրբեջանում խոսել են նաև մի գործողության մասին, որը հնարավորություն է տվել ոչնչացնել Հայաստանի հակաօդային պաշտպանության համակարգերի 60%-ը։ Մանրամասները հայտնել է Ադրբեջանի ռազմաօդային ուժերի հրամանատար Ռամիզ Թախիրովը։
Նյութը հրապարակման պատրաստեց Կամո Խաչիկյանը