Թուրքը մտել է Հայաստան. մենք ստիպված ենք փողոց փակել, որպեսզի մեր հասարակությունը արթնանա. բողոքի ակցիայի մասնակիցները 44 րոպե փակել էին փողոցները

«Զարթոնք» կուսակցության ղեկավար, փաստաբանների պալատի նախկին նախագահ Արա Զոհրաբյանը և մի շարք քաղաքացիներ բողոքի ակցիա են իրականացնում՝ փակելով մայրաքաղաքային ճանապարհներ: Նոր ձևավորված «Ազատագրական շարժման» անդամները կոչ են անում ժամը 17:00-ին հավաքվել Երևանի Հանրապետության հրապարակում։ 

«Սիրելի հայրենակցիներ, ձեզնից ներողություն ենք խնդրում, 44 րոպե ճանապարհը փակվել է, հասկանում եմ, որ բոլորի դուրը չի գալիս, սակայն սա միակ ձևն է՝ ուշադրություն հրավիրելու սահմանի իրավիճակի վրա, հավատացեք՝ վաղն ավելի վատ է լինելու»,-ասաց նա և նշեց, որ քիչ հետո ճանապարհը կբացվի։

«Այս ակցիան թուրքերի դեմ է, մենք ստիպված ենք փողոց փակել, որպեսզի մեր հասարակությունը արթնանա, թուրքը մտել է Հայաստան»,-նշում էին ակցիայի մասնակցիները և ասում՝ սա ապաքաղաքական ակցիա է։