Հակոբ Սիմիդյանը նշանակվեց շրջակա միջավայրի նախարար

ՀՀ նախագահը հրամանագիր է ստորագրել, որի համաձայն՝  Հակոբ Սիմիդյանը նշանակվում է շրջակա միջավայրի նախարար։

«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.

Հակոբ Սիմիդյանին նշանակել շրջակա միջավայրի նախարար»,-այս մասին ասված է հրամանագրում:

Հիշեցնենք, որ դեկտեմբերի 9-ին ՀՀ նախագահի հրամանագրով Ռոմանոս Պետրոսյանն ազատվել էր շրջակա միջավայրի նախարարի պաշտոնից և վարչապետի որոշմամբ նշանակվել ՀՀ պետական վերահսկողական ծառայության ղեկավար: Դեկտեմբերի 9-ին Հակոբ Սիմիդյանն ազատվել էր ՀՀ վարչապետի գլխավոր խորհրդականի պաշտոնից: