ՆԱՏՕ-ն ծանրութեթեւ է անում հակաօդային եւ հակատանկային պաշտպանության ուժեղացման հնարավորությունները
ՄԻՋԱԶԳԱՅԻՆ
ՆԱՏՕ-ն ծանրութեթեւ է անում հակաօդային եւ հակատանկային պաշտպանության ուժեղացման հնարավորություններն այնպիսի սպառնալիքների դեմ պայքարում, ինչպիսին են անօդաչուները եւ թեւավոր հրթիռները։
Խնդիրները, որոնց բախվում է դաշինքը, ավելացել են վերջին տասնամյակում, քանի որ ինչպես պետական սուբյեկտները, ինչպիսին է Ռուսաստանը, այնպես էլ ահաբեկչական խմբերը կարող են ձեռք բերել հազարավոր անօդաչուներ, ասել է ՆԱՏՕ-ի դաշնակցային ուժերի փոխհրամանատար, ավիացիայի մարշալ Ջոնի Սթրինգերը։
Նրա խոսքով՝ անհանգստացնում են նաեւ թեւավոր հրթիռների տարածումը եւ հիպերձայնային հրթիռների առաջին մարտական օգտագործումները, տեղեկացրել է Bloomberg-ը։
Սթրինգերը նշել է, որ դաշինքը պետք է այնպես անի, որպեսզի ապահովի հակաօդային պաշտպանության հնարավորությունները՝ ռադարներից եւ վաղ նախազգուշացման համակարգերից մինչեւ հրթիռներ, «վերացնի սպառնալիքը, որին բախվում ենք»։ Սթրինգերն ավելացրել է, որ դա նախկինի պես մնալու է կարեւոր ուղղություն, քանի որ Ռուսաստանը թեւավոր հրթիռներով հարվածներ է հասցնում Ուկրաինայի կարեւոր ազգային ենթակառուցվածքին։
«ՆԱՏՕ-ն արդեն ուսումնասիրում է, թե ինչպիսին է լինելու ապագա դիրքորոշումը, եւ ինչպիսին պետք է լինի հնարավորությունների ապագա հավաքածուն»,- ասել է նա՝ հրաժարվելով ավելի մանրամասն տեղեկություն տրամադրել։
Մասնավորապես, դրոնները կարող են խնդիր դառնալ ՀՕՊ համակարգերի համար, քանի որ դրանք սովորաբար ցածր են թռչում, եւ դրանք հայտնաբերելը հեշտ է։ Սթրինգերի խոսքով՝ դրանց ոչնչացման զինատեսակները հաճախ կարող են ավելին արժենալ, քան իրենք՝ դրոնները, ինչը բարձրացնում է պատերազմ վարելու արժեքը, չնայած դա կախված է պաշտպանության օգտագործվող համակարգերից։
Պատերազմն Ուկրաինայում ցույց տվեց, թե ինչպես կարող են տիեզերական ծառայությունների հեշտ հասանելիությունը, ինչպիսին են GPS-ը, եւ կապի այլ գաղտնագրված միջոցները փոխել պատերազմի բնույթը։ Սթրինգերի խոսքով՝ հարյուրավոր արբանյակային խմբավորումներ ունեցող կոմերցիոն պրովայդերների, ինչպիսին է Իլոն Մասկի Starlink-ը, աճող թվաքանակը «մարդկանց թույլ է տալիս օգտագործել այդ դոմենը, որը մինչ այդ փակ գիրք էր»։
Սթրինգերի խոսքով՝ չնայած դա կարող է ավելի շատ սպառնալիքներ ստեղծել, բայց եւ կարող է ավելի շատ հնարավորություններ ընձեռել, քանի որ զինվորականներն այլեւս կապված չեն կոնկրետ համակարգերին։
