Հրդեհ Սպիտակ քաղաքում. Այս գիշեր ավտոմեքենա է այրվել
ՔԱՂԱՔԱԿԱՆՈՒԹՅՈՒՆՀունիսի 12-ին` ժամը 01:21-ին, Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սպիտակ քաղաքի Պանրագործների փողոցում այրվում է ավտոմեքենա:
ՆԳՆ փրկարար ծառայությունից NEWS.am-ին հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 01:36-ին, մարվել՝ 01:49-ին: Այրվել են «GAZ» մակնիշի ավտոմեքենայի շարժիչի հատվածը և սրահը: