Պակիստանում բենզատար է հրդեհվել, 100-ից ավելի զոհ կա
ՄԻՋԱԶԳԱՅԻՆՊակիստանում բենզատարի հրդեհի հետևանքով զոհերի թիվն անցել է 150-ը: Տուժել է ավելի քան 110 մարդ: Նրանք տեղափոխվել են հիվանդանոց: Այս մասին գրում է Ռիա նովոստին:
Բի-Բի-Սի-ն գրում է, որ մեքենան շրջվել է ու կարճ ժամանակ անց բռնկվել: Վթարից հետո տեղի շատ բնակիչներ շտապել են մեքենայի մոտ, որպեսզի հավաքեն թափված բենզինը:
Հրդեհի պատճառ կարող է լինել ծխախոտը, որ չէին հանգցրել մոտեցած մարդիկ: Իշխանությունները կարծում են, որ որոշ զոհերի հնարավոր կլինի ճանաչել միայն ԴՆԹ անալիզի միջոցով, քանի որ մարմիններն ամբողջովին այրվել են:
Աղբյուրը գրում է, որ Պակիստանի ճանապարհները շատ վտանգավոր են, իսկ վարորդները կարգազանց:
Այրվել է առնվազն 6 մեքենա և 12 մոտոցիկլ: Ցիստեռնը տեղափոխել է 25 հազար լիտր վառելիք: