Ալիևը հայտարարել է, որ Ադրբեջանը ապագայում կախված չի լինի նավթի գներից
ՄԻՋԱԶԳԱՅԻՆԱդրբեջանի նախագահ Իլհամ Ալիևը հայտարարել է, որ անցկացվող բարեփոխումների արդյունքում Ադրբեջանի տնտեսությունը հետագայում արդեն կախված չի լինի նավթի գներից: Այս մասին հայտնում է РИА Новости-ն` վկայակոչելով «ԱՊԱ» գործակալությունը:
«Մի քանի տարի անց Ադրբեջանը մեծ ծավալների բնական գազ կմատակարարի համաշխարհային շուկա, ինչի շնորհիվ արտարժույթի ներհոսքը երկիր կշարունակվի: Բայց մենք պետք է ապրենք ինչպես հետնավթային դարաշրջանում: Եվ նավթի գները մեզ համար նշանակություն չեն ունենա», - Ալիևի խոսքը մեջբերում է «ԱՊԱ» գործակալությունը:
Այս ելույթով Ադրբեջանի ղեկավարը հանդես է եկել երկրի կառավարության ընդլայնված նիստի ժամանակ, որը նվիրված է եղել առաջին կիսմյակում երկրի սոցիալ-տնտեսական զարգացման արդյունքներին: