Թուրքիայի հարավ-արևմուտքում խոշոր հրդեհի պատճառով գյուղական 40 տուն է այրվել, կրակը շարունակում է տարածվել (լուսանկարներ)
ՄԻՋԱԶԳԱՅԻՆԹուրքիայի հարավ-արևմուտքում գտնվող Մուղլա նահանգի Մենթեշե շրջանի անտառային տարածքում խոշոր հրդեհ է բռնկվել, այրվում է շուրջ 150 հեկտար տարածք, հայտնում է թուրքական t24.com.tr կայքը:
Հրդեհը մոտեցել է բնակելի վայրերին, արդեն այրվել է Զեյթինքյոյ գյուղի մի մասը, նշվում է, որ 136 տուն ունեցող գյուղի 40 տուն ամբողջովին մոխրի է վերածվել: Բնակիչները շտապ տարհանվել են, նրանցից երկուսը տեղափոխվել են հիվանդանոց:
Հրդեհաշիջման աշխատանքներին մասնակցում է 4 ինքնաթիռ, 7 ուղղաթիռ, 37 հրշեջ մեքենա:
Միևնույն ժամանակ, Թուրքիայի հյուսիս-արևմուտքում գտնվող Բոլու նահանգի Գոյնյուք շրջանում հրշեջներին արդեն չորրորդ օրն է՝ չի հաջողվում մարել բռնկված խոշոր հրդեհը: