ԱՄՆ դեսպանատունը դիմում է «Սասնա ծռերին» եւ կոչ անում ազատ արձակել բուժանձնակազմին
ՊԱՏՄՈՒԹՅԱՆ ԱՅՍ ՕՐԸՀայաստանում ԱՄՆ դեսպանատունը հայտարարություն է տարածել կապված վերջին օրերին Երեւանում տեղի ունեցող իրադարձությունների հետ, որտեղ կոչ է անում անհապաղ ազատ արձակել բուժանձնակազմին:
Հայտարարությունում ասվում է.
«Մենք ողջունում ենք Էրեբունում տիրող իրավիճակի վերաբերյալ ՀՀ Մարդու իրավունքների պաշտպանի երեկվա հայտարարությունը, որտեղ նա փաստում է, որ ուշադիր հետեւում է իրադարձություններին եւ ձեռնամուխ լինում քայլերի, երբ օրինախախտումներ են լինում:
Մենք ողջունում ենք եւ միանում շարունակաբար զսպվածություն դրսեւորելու վերաբերյալ բոլոր կողմերին ուղղված նրա կոչին:
Հուլիսի 26-27-ի զարգացումները հաշվի առնելով` մենք բոլոր կողմերին հորդորում ենք ցուցաբերել առավելագույն զսպվածություն, գործել օրենքի սահմաններում ու հանդես բերել իրավիճակի խաղաղ հանգուցալուծման հանձնառություն:
Մեզ համար հատկապես մտահոգիչ են Էրեբունու ոստիկանական շենքում բուժանձնակազմին պահելու մասին մամուլի հաղորդումները: Այսպիսի գործողություններն անընդունելի են, եւ եթե համապատասխանում են իրականությանը, ապա կոչ ենք անում անհապաղ ազատ արձակել այս անձանց»: