Էկվադորում երկրաշարժի զոհերի թիվը հասել է 553-ի
ՄԻՋԱԶԳԱՅԻՆԷկվադորում տեղի ունեցած երկրաշարժի զոհերի թիվը հասել է 553-ի: Այս մասին հաղորդում է ABC հեռուստաալիքը՝ վկայակոչելով այդ երկրի գլխավոր դատախազին:
Ըստ ՏԱՍՍ-ի, աղետի հետեւանքով եւս 4065 մարդ է տուժել, շուրջ 100 քաղաքացի անհետ կորած է համարվում:
7.8 մագնիտուդով երկրաշարժն Էկվադորում գրանցվել է ապրիլի 16-ի երեկոյան: Աղետի հետեւանքով հասցված վնասը, նախնական տվյալներով, գնահատվում է 3 մլրդ դոլար: Իշխանությունների կանխատեսմամբ, երկիրը վերականգնելու համար մի քանի տարի կպահանջվի: