Թուրքիայում փակվել են 12 հեռուստաընկերություններ
ՄԻՋԱԶԳԱՅԻՆԹուրքիայի ռադիոյի և հեռուստատեսության բարձրագույն խորհուրդը որոշում է կայացրել երկրում արտակարգ դրության պայմաններում դադարեցնել 12 հեռուստաընկերության եթեր հեռարձակումը:
Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:
Խորհրդի որոշմամբ փակված հեռուստաընկերությունների շարքում են ընդդիմադիր և քրդական Hayatın Sesi, TV 10, Van TV, Jiyan TV, Azadi TV, Zarog TV ընկերությունները:
Թուրքիայում երեք ամսով արտակարգ դրություն էր հայտարարվել երկրում հուլիսի 15-ին իրականացված ռազմական հեղաշրջման փորձից հետո:
Թուրքական իշխանությունները բազմիցս հայտարարել են արտակարգ դրությունը երկարաձգելու հնարավորության մասին: