Վրացի սահմանապահները ադրբեջանցի սադրիչներին թույլ չեն տվել մտնել Վրաստան
ՄԻՋԱԶԳԱՅԻՆԱդրբեջանցի սադրիչների պատվիրակությանը, որը փորձում էր այսօր մեկնել Թբիլիսի մասնակցելու տեղի ադրբեջանցիների կողմից Հայաստանի դեսպանատան դիմաց ապրիլի 23-ին ծրագրված հակահայկական միջոցառմանը, վրացի սահմանապահները թույլ չեն տվել մտնել Վրաստան:
Ինչպես հաղորդում է «Արմենպրես»-ը` վկայակոչելով ադրբեջանական ԶԼՄ-ները, այսպես կոչված Սփյուռքի միջազգային կենտրոնի ղեկավար Իսմայիլ Աղաեւը, նրա տեղակալՍամիր Ադըգյոզալովը եւ կենտրոնի վրացական ներկայացուցչության ղեկավար Նամիգ Իսաեւը կանգնեցվել են Վրաստանի սահմանապահների կողմից: Իսմայիլ Աղաեւն ու Նամիգ Իսաեւը հետ են ուղարկվել ադրբեջանական «Կարմի կամուրջ» անցագրային կետից, իսկ Սամիր Ադըգյոզալովն Ադրբեջան է ուղարկվել Գարդաբանիում երկու ժամ պահվելուց հետո: