Կարծում ես՝ «Սասնա ծռերը» վերջին միջադե՞պն էր. Աշոտ Մանուչարյանի հարցադրումը Սերժ Սարգսյանին
ՎԻԴԵՈ«Հայաստանում տեղի ունեցող փոփոխությունները չեն տնօրինում հայկական ուժերը, մենք արտաքին կառավարման ներքո ենք գործում, հիմա դա հազարապատիկ ուժեղացել է: Աշխարհում կան ուժեր, որոնք ուզում են պահպանել գոյություն ունցող աշխարհակարգը, և կան ուժեր, որ ուզում են փոխել: Այն ուժերը, որոնք ուզում են պահպանել, նրանց հիմնական գործիքը դարձել է քաոս առաջացնելը ամբողջ աշխարհով մեկ»,- «Առաջին լրատվական»- ի հետ զրույցում այս կարծիքը հայտնեց «Ղարաբաղ կոմիտեի անդամ Աշոտ Մանուչարյանը:
Ա. Մանուչարյանի խոսքով՝ Ս. Սարգսյանի կատարած փոփոխությունները ցույց են տալիս, որ, ըստ էության, ոչ մի փոփոխություն չկա. «Տեղափոխություններ է անում, բայց փիլիսոփայությունը նույնն է մնում. նախագահական ապարատում նույնն է մնում իրավիճակը, բանակում նույնն է, ընտրական գործընթաց եղավ, նույնն է իրավիճակը, հափշտակածը պահպանելու փորձ է արվում: Ոչինչ չի փոխվելու. հույս չունենանք. սա է ազդանշանը նախագահականից և ՀՀԿ-ից»:
Ա. Մանուչարյանի դիտարկմամաբ՝ ժողովրդի մեջ կա դրական փոփոխությունների մեծ սպասում, սակայն Ս. Սարգսյանը առճակատման և քաոսի համար նախադրյալ է ստեղծում. «Եվ այդ քաոսի առաջին թիրախն ինքն է դառնալու: Համաներման սպասում կար, իսկ նա բարձրացնում է մի շարք մարդկանց մեղադրանքների շեմը: Թշնամանքն ավելացնում է»:
Մանուչարյանի խոսքով՝ մարդանց դրել են մի վիճակի մեջ, որ հացի վրա դողում են, և նրանց սպառնում են, որ եթե համակարգի ներկայացուցչի չընտրեն, սոված կմնան: «Մարդիկ մի կողմից ճար չունեն, ենթարկվում են, մյուս կողմից՝ ատելությունն է բարձրանում»,- ընդգծեց Ա. Մանուչարյանը և հարցադրում ուղղեց Սերժ Սարգսյանին. «Եվ դու կարծում ես՝ «Սասնա ծռերը» վերջին միջադե՞պն էր»:
Մանուչարյանի կարծիքով՝ առճակատման հավանականությունը մեծացնում են, երբ որ Կարեն Կարապետյանին առաջարկում են դառնալ ՀՀԿ-ական, որ ժողովուրդն էլ ոչ մի հույս չունենա: «Այդ փոթորիկը, որ նրանք ձևավորում են, հարվածելու է հանրապետությանը, բայց առաջին հերթին հարվածելու է իրենց»:
Մանրամասները՝ տեսանյութում: