«Հայրենիք» կուսակցության համար ազգային ու պետական շահը վեր են ներքաղաքական շահերից
ՔԱՂԱՔԱԿԱՆՈՒԹՅՈՒՆ«Հայրենիք» կուսակցությունը, մի կողմ դնելով իշխանությունների հետ առկա քաղաքական բոլոր տարաձայնությունները, այս պահին ամբողջ կազմով համախմբված է հայկական բանակի, Հայաստանի և Արցախի պետությունների շուրջ և ունեցած ողջ կարողությամբ նպաստելու է հաղթանակին: Ընդդիմության առանցքային կուսակցություններից «Հայրենիքն» որդեգրել է պետականամետ դիրքորոշում՝ներքաղաքական պայքարը մի կողմ դնելով կանգնում է ազգի ու պետության, պատերազմող Արցախի կողքին: Քաղաքական կուսակցություններն այս պահին պետք է մի կողմ դնեն գործող իշխանությունների հետ առկա տարաձայություններն ու արտաքին թշնամուն հակահարված տան՝համախմբվելով ու մեկ բռունցք դառնալով: Հարենասիրական, ազգային հենքի վրա գործող «Հայրենիքը» չի պատրաստվում ազգի ու ժողովրդի համար այս ծանր օրերին խոսել ներքին խնդիրներից, այլ իր ամբողջ թիմով ու ներուժով պատրաստ է ծառայել հայրենիքի ընդհանուր հաղթանակին: Այս կուսակցության համար պետական ու ազգային շահը վեր են ներքաղաքական շահերից ու դիվիդենտներից: