ԱՄՆ-ի երկու քաղաք ճանաչել է Լեռնային Ղարաբաղի անկախությունը
ՔԱՂԱՔԱԿԱՆՈՒԹՅՈՒՆԱմերիկյան Ֆաուլեր և Ֆորտ Լի քաղաքների քաղաքային խորհուրդները ճանաչել են Լեռնային Ղարաբաղի անկախությունը: Նմանատիպ բանաձևեր են ընդունել նաև ֆրանսիական Օ դե Սեն դեպարտամենտի խորհուրդը և ֆրանսիական Վիեն քաղաքի քաղաքային խորհուրդը: Նյութը վերցրել ենք «Кавказский узел»-ից:
ԱՄՆ-ում Ֆաուլերի քաղաքային խորհուրդը և Ֆորտ Լի քաղաքը դատապարտել են «Ադրբեջանի ագրեսիան և ճանաչել Արցախի Հանրապետության ժողովրդի ինքնորոշման և անկախության իրավունքը»:
«Նյու Ջերսի նահանգի Ֆորտ Լի քաղաքը և Կալիֆորնիայի նահանգի Ֆաուլեր քաղաքի քաղաքային խորհուրդը ճանաչել են Արցախի անկախությունը», - հոկտեմբերի 22-ին իր ֆեյսբուքյան էջում գրել է Լեռնային Ղարաբաղի արտգործնախարար Մասիս Մայիլյանը:
-Քաղաքային խորհուրդը նախագահին և ԱՄՆ Կոնգրեսին կոչ է արել միանալ Արցախի ազատության աջակցությանը,- նշել է գերատեսչության խոսնակը:
Ֆաուլեր քաղաքի կայքում հրապարակվել է Լեռնային Ղարաբաղի աջակցության վերաբերյալ փաստաթուղթը: Ֆորտ Լիի քաղաքապետարանի կայքում բանաձևը տեղադրված չէ, սակայն քաղաքապետի ստորագրությամբ սկանը հրապարակվել է Մասիս Մայիլյանի ֆեյսբուքյան էջում:
Նյութը հրապարակման պատրաստեց Լիլիթ Ամիրաղյանը