«Իմ քայլից» արժանապատիվ պատգամավորներ կան՝ ուզում են գալ նիստի, բայց վախենում են՝ ժողովուրդն այլ կերպ վարվի․Սաղաթելյան
ՔԱՂԱՔԱԿԱՆՈՒԹՅՈՒՆՏեղեկություններ կան, որ «Իմ քայլը» խմբակցությունում կան արժանապատիվ պատգամավորներ, որոնք ուզում են գալ նիստի, բայց վախենում են, որ ժողովուրդն այլ կերպ վարվի։ Այս մասին Ազգային ժողովի դիմաց հանրահավաքի ժամանակ հայտարարեց ՀՅԴ ԳՄ ներկայացուցիչ Իշխան Սաղաթելյանը։
«Ժամը 20։00-ին ԱԺ նիստ է հրավիրվել, եթե նիստը չկայանա, մեզ անհրաժեշտ է «Իմ քայլից» 25 պատգամավոր։ Ես կոչ եմ անում մեր հայրենակիցներին, մարզերից եւ մայրաքաղաքից ընտրված իշխանական պատգամավորներին շարունակել զանգել, նամակներ գրել, որ գան ԱԺ։ Արդեն յոթ ժամ է մեր քաղաքացիները փողոցում են»,- ասաց նա։
Իշխան Սաղաթելյանը ներկայացնելով իրենց պահանջն, ասաց, որ եթե ժամը 20։00 ԱԺ նիստ չկայանա, եւ մինչեւ կեսգիշեր էլ վարչապետը հրաժարական չտա, իրենք 12։30-ին ասուլիս կտան, եւ կներկայացնեն վաղվա ծրագիրը։
Իշխան Սաղաթելյանը հավաքի մասնակիցներին կոչ արեց գնալ տուն, հանգստանալ, ուժ հավաքել եւ պատրաստվել վաղվան։