Ռուսաստանում մեկնաբանել են Ադրբեջան զինվորականներ ուղարկելու էրդողանի պլանները
ՔԱՂԱՔԱԿԱՆՈՒԹՅՈՒՆvz.ru-ն գրում է, որ ըստ ռազմական փորձագետ, «Арсенал Отечества» ամսագրի խմբագիր Ալեքսեյ Լեոնկովի «եթե թուրք զինծառայողները, չնայած Ղարաբաղի շուրջ ձեռք բերված համաձայնությանը, սկսեն ներկայանալ որպես խաղաղապահ, ապա Մոսկվայի արձագանքը կլինի կոշտ»: Նա նման կերպ է մեկնաբանել Թուրքիայի խորհրդարանի որոշումը, որով թույլ է տրվում թուրք զինվորականների մուտքը Ադրբեջան:
«Լեռնային Ղարաբաղի հարցով խաղաղության համաձայնագիրը կարմիր գիծ է պարունակում, որը թուրք զինծառայողները չեն կարող հատել: Ըստ այդ պայմանագրի ՝ թուրքերը կարող են լինել միայն համակարգման կենտրոնում»,- հիշեցրել է Լեոնկովը:
«Թուրք զինվորականների Ադրբեջանի տարածքի ցանկացած այլ վայրում գտնվելը լիովին օրինական է: Բաքուն բազմիցս է հրավիրել թուրքերին համատեղ զորավարժություններ անց կացնելու համար: Հետևաբար, եթե նրանք հենց այդ նպատակով հասնեն Ադրբեջանի տարածք, ապա Ռուսաստանի և Հայաստանի կողմից ոչ մի արձագանք չի կարող լինել»,- ընդգծել է փորձագետը:
«Բայց եթե թուրք զինծառայողները, չնայած Ղարաբաղի հարցով ձեռք բերված համաձայնությանը, սկսեն հավակնել խաղաղապահներ դառնալուն, ապա Մոսկվայի արձագանքը կոշտ կլինի: Այդ արձագանքի տարբերակները կարող են տարբեր լինել, դրանք կորոշվեն Ռուսաստանի նախագահի և պաշտպանության նախարարի կողմից: Բայց ամեն դեպքում, Էրդողանի գործողություններն ներկայումս ավելի շատ սադրանքի են նման»,- եզրափակել է Լեոնկովը:
Նյութը հրապարակման պատրաստեց Կամո Խաչիկյանը