Ամստերդամում ձերբակալվել է ասիացի նարկոբարոն, որը ներառված է ամենահետախուզվող հանցագործների ցանկում
ՄԻՋԱԶԳԱՅԻՆՇաբաթ Նիդերլանդների ոստիկանությունը հայտարարել է, որ նրանք ձերբակալել են ասիական նարկոսինդիկատի ենթադրյալ առաջնորդ Ցզե Չի Լոպին, որը համարվում է աշխարհում ամենահետախուզվող հանցագործներից մեկը, գրում է The Guardian-ը:
Չինական ծագումով կանադացի Ցզե Չի Լոպը բերման է ենթարկվել ուրբաթ՝ ավստրալական ոստիկանության հարցման համաձայն, որը վարել է հետաքննությունը, որում նշվում էր, որ նրա կազմակերպությունը գերիշխում է թմրանյութերի ասիական-խաղաղօվկիանոսյան առեւտրում տարեկան 70 միլիարդ դոլար շրջանառությամբ, տեղեկացրել է Նիդերլանդների ոստիկանության մամուլի քարտուղար Թոմաս Էրինգը:
Ակնկալվում է, որ Ցզեն կարտահանձնվի դատարանում ներկայանալուց հետո, ասել է Էլինգը՝ հավելելով, որ ազգային ոստիկանության կողմից նրա ձերբակալումն անցել է առանց միջադեպերի Սխիպհոլ օդանավակայանում:
Ոստիկանությունը չի կարողացել տրամադրել մանրամասն տեղեկատվություն դատավարության մասին, եւ պարզ չէ՝ ունի արդյոք Ցզեն փաստաբան:
Ցզեն, որն ավելի վաղ բնակվել է Տորոնտոյում, վերջին տարիներին բնակվել է Մակաոյում, Հոնկոնգում եւ Թայվանում՝ չորս երկրներից թմրանյութերի դեմ պայքարի աշխատակիցների խոսքով եւ Reuters գործակալության կողմից ավելի վաղ ուսումնասիրված փաստաթղթերի համաձայն:
Սինդիկատը, որի կառավարման մեջ նա մեղադրվում է, հայտնի է իր ադնամներին՝ որպես «Ընկերություն»: Իրավապահները այն նաեւ անվանում են «Սեմ Գոր», հաղորդում է Reuters-ը: Հետաքննությունը ղեկավարած ավստրալական դաշնային ոստիկանությունը մեղադրել է Ցզեին նրանում, որ նա «Սեմ Գոր» սինդիկատի ավագ ղեկավարն է: