Որքան են վաստակում տարբեր երկրների առաջնորդները (լուսանկարներ)
ԱՄԵՆԱԸՆԹԵՐՑՎԱԾԻնչեւէ, իր քայլով աշխարհի ամենահարուստ նախագահներից մեկը, ում ունեցվածքը գնահատվում է ավելի քան չորս միլիարդ դոլար, ոչ ոքի չզարմացրեց։ ԱՄՆ նախագահի պաշտոնական աշխատավարձը տարեկան կազմում է 400 հազար դոլար։
Իսկ որքա՞ն են վաստակում մյուս երկրների նախագահները, Wnews.am-ը ներկայացնում է ստորեւ.
2015 թ. տվյալներով ամենաբարձր վարձատրվող նախագահներից է Սինգապուրի նախագահ Տոնի Տանը։
Նրա տարեկան եկամուտը կազմում է 2,2 մլն դոլար։ Սա պայմանավորված է երկրում կոռուպցիայի դեմ պայքարով, այդ պատճառով էլ երկրի քաղծառայողները շատ բարձր են վարձատրվում։
Երկրորդ տեղում է Հոնկոնգի ադմինիստրացիայի նախագահ Լյան Չժենյինը։ Նշենք, որ Հոնկոնգն ունի հատուկ վարչական շրջանի կառավարություն, որն ունի ինքնուրույն իրավունքներ։ Դրա առաջնորդն ավելի բարձր է վաստակում, քան անգամ Չինաստանի նախագահ Սի Ցզինպինը, ում աշխատավարձը տարեկան կազմում է 530 հազար դոլար։ Նման բարձր վարձատրությունը եւս պայմանավորված է երկրում կոռուպիցայի դեմ պայքարով։
Բարձր աշխատավարձով երրորդ տեղում է ԱՄՆ նախագահը, ում աշխատավարձը, ինչպես արդեն նշեցինք, տարեկան կազմում է 400 հազար դոլար։
Իրենց բարձր աշխատավարձերով աչքի են ընկնում հետեւյալ երկրների առաջնորդները՝ Ավստրիայի վարչապետ Մալկոլմ Թերնբուլը (տարեկան 345 դոլար), Իռլանդիայի նախագահ Մայքլ Հիգգինսը եւ Լյուքսեմբուրգի վարչապետ Կսավյե Բետելը ( տարեկան 340 հազար դոլար), Կանադայի վարչապետ Ջասթին Տրյուդոն (տարեկան 296 400 դոլար) եւ Նոր Զելանդիայի նախագահ Ջոն Կին (տարեկան 290 հազար դոլար)։
Գերմանիայի կանցլեր Անգելա Մերկելը տարեկան վաստակում է 283 608 դոլար։
Ամենաբարձր վարձատրվող առաջնորդների տասնյակը եզրափակում է Ճապոնիայի վարչապետ Աբե Սինդզոն (տարեկան 273 դոլար)։
Ռուսաստանի նախագահ Վլադիմիր Պուտինի աշխատավարձը տարեկան կազմում է շուրջ 67 հազար դոլար։
Հայաստանի նախագահ Սերժ Սարգսյանի աշխատավարձը տարեկան կազմում է շուրջ 12 մլրդ 400 հազար դրամ։