Արցախի նախագահն ընդունել է ՀՀ քաղաքաշինության կոմիտեի նախագահին, քննարկվել է պատերազմից հետո Արցախում վերականգնողական աշխատանքների ընթացքը
ՔԱՂԱՔԱԿԱՆՈՒԹՅՈՒՆԱպրիլի 14-ին ԱՀ նախագահ Արայիկ Հարությունյանն ընդունել է ՀՀ քաղաքաշինության կոմիտեի նախագահ Արմեն Ղուլարյանին, տեղեկացնում է Արցախի նախագահի աշխատակազմը:
Քննարկվել են հետպատերազմական Արցախում վերականգնողական աշխատանքների ընթացքը և այդ գործում ՀՀ քաղաքաշինության կոմիտեի և ԱՀ քաղաքաշինության նախարարության համագործակցությանն առնչվող հարցեր:
ԱՀ նախագահը կարևորել է Արցախի ավերված բնակավայրերի ու ենթակառուցվածքների վերականգնման և նոր բնակավայրերի կառուցման գործում ՀՀ կառավարության աջակցությունը:
Հանդիպմանը մասնակցել է ԱՀ քաղաքաշինության նախարար Արամ Սարգսյանը: