Ալիևի «հիվանդ ֆանտազիաները» սպառնալիք են Իրանի, Հայաստանի ու Իրաքի համար
ՔԱՂԱՔԱԿԱՆՈՒԹՅՈՒՆinfoteka24.ru-ն գրում է, որ լեհ լրագրող Վիտոլդ Ռեպետովիչը ֆեյսբուքյան իր էջում լուսանկար է հրապարակել, որում պատկերված է Ադրբեջանի այն քարտեզը, որը տեսնում են իրենք՝ ադրբեջանցիները, և որը իշխանությունները հաջողությամբ պարտադրում են իրենց քաղաքացիներին:
Ադրբեջանի «իդեալական» քարտեզը ներառում է ամբողջ Հայաստանը, Իրանի արևմտյան և հյուսիսային հատվածները մինչև Պարսից ծոց և Թուրքմենստանի սահմաններ: Արևմուտքում Ադրբեջանը ներառում է նաև Իրաքի այն տարածքները, որոնք հանդիսանում են Իրաքյան Քրդստան:
Եթե առաջին հայացքից Բաքվի նման հավակնությունները կարող են թվալ Ալիևի հիվանդագին ֆանտազիաներ, ապա Արցախի դեմ Ադրբեջանի և Թուրքիայի լայնածավալ ագրեսիայից և Հայաստանի տարածքային ամբողջականության անվերջ սպառնալիքներից հետո պետք է համարել, որ Բաքուն չի հրաժարվել իր հավակնություններից, քանի դեռ համաշխարհային հանրության կողմից անհրաժեշտ միջոցառումներ չեն ձեռնարկվել դրանք զսպելու համար:
Նյութը հրապարակման պատրաստեց Կամո Խաչիկյանը