Թուրքիան հետ է կանչել Գերմանիայում իր դեսպանին
ՄԻՋԱԶԳԱՅԻՆԹուրքիան հետ է կանչել Գերմանիայում իր դեսպան Հուսեյն Ավնի Կարսլըօղլուին: Ինչպես հաղորդում է «Արմենպրես»-ը` վկայակոչելով թուրքական «Հուրիեթ» պարբերականը, Թուրքիայի ԱԳՆ նման որոշումն անմիջապես հաջորդել է Բունդեսթագում Հայոց ցեղասպանության մասին բանաձևի ընդունմանը:
Իշխող «Արդարություն և զարգացում» կուսակցության խոսնակ Յասին Աքթայը բանաձևի ընդունման առնչությամբ նշել է, որ Բունդեսթագի քվերակությունը «լուրջ վնաս պատճառեց թուրք-գերմանական հարաբերություններին»: