«Ոչ մի աշխարհաքաղաքական փոփոխություն կամ տարածաշրջանի երկրների սահմանների փոփոխություն ընդունելի չէ». Ռայիսին Հարավային Կովկասում ստեղծված իրավիճակի մասին
ՔԱՂԱՔԱԿԱՆՈՒԹՅՈՒՆԻրանական կողմը ողջունում է ռուսաստանյան նախաձեռնությունը Հարավային Կովկասում իրավիճակի կայունացման ուղղությամբ: ՏԱՍՍ գործակալության փոխանցմամբ՝ այս մասին հայտարարել է Իրանի նախագահ Էբրահիմ Ռայիսին ՌԴ նախագահ Վլադիմիր Պուտինի հետ հեռախոսազրույցի ընթացքում:
«Իրանի նախագահը ողջունել է Ռուսաստանի նախաձեռնությունն՝ ուղղված Կովկասում հանգստության և կայունության հաստատմանը: Ոչ մի աշխարհաքաղաքական փոփոխություն կամ տարածաշրջանի երկրների սահմանների փոփոխություն ընդունելի չէ»,- ասել է Ռայիսին՝ ընդգծելով տարածաշրջանային հարցերով երկու երկրի համագործակցության անհրաժեշտությունը:
Ավելի վաղ Կրեմլի մամուլի ծառայությունը հայտնել էր, որ նախագահներն անդրադարձել են տարածաշրջանում հրադադարի պահպանման և տնտեսական կապերի ապաշրջափակմանն ուղղված ՌԴ ջանքերին: