Թուրքերը Ծիծեռնակաբերդում շատ ակնհայտ ցույց տվեցին իրական ապագան. Արման Աբովյան
ՔԱՂԱՔԱԿԱՆՈՒԹՅՈՒՆԵրեկ համացանցում հայտնվել էր «Գորշ գայլերի» համակիր մի թուրք բլոգերի տեսագրությունը, որտեղ երևում է, թե ինչպես է նա, Ծիծեռնակաբերդում գտնվելով, ձեռքով «Գորշ գայլերի» նշանը ցույց տալիս ու թուրքերեն ինչ-որ բաներ ասում, ծաղրում էր Հայոց Ցեղասպանությունը, ասում է, որ եկել է «Հայաստանի ամենամեծ թատրոն»: Մինչև այս պահը ԱԱԾ-ից և Դատախազությունից ոչ մի արձագանք չի եղել:
Քաղաքական գործիչ, վերլուծաբան Արման Աբովյանի խոսքով՝ այսօր մենք ունենք այն, ինչ իշխանություններն անվանում են «խաղաղության դարաշրջան».
«Թուրքերը Հայաստանում՝ Ծիծեռնակաբերդում, շատ ակնհայտ ցույց տվեցին այն իրական ապագան, որը սպասվում է: Միանշանակ, պետք էր այդ մարդու նկատմամբ քրեական հետապնդում իրականացնել ու միջազգային հետախուզում հայտարարել՝ նվազագույնը ատելության խոսքի և ռասիզմի համար: Սակայն, հաշվի առնելով իշխանության որդեգրած թրքահաճո քաղաքականությունը, պատկերն այսպիսին է: Սա իմ անձնական կարծիքն է, բայց հուսանք, որ գոնե այս պարագայում ինչ-որ գործողություններ կկատարվեն»,- 1or.am-ի հետ զրույցում ասաց Աբովյանը:
Մարիամ Նալբանդյան