Սաուդյան Արաբիայի ԱԳՆ-ն ընդդիմադիր լրագրողի սպանության վերաբերյալ լրատվամիջոցների արձագանքը «հիստերիա» է որակել
ՄԻՋԱԶԳԱՅԻՆՍաուդյան Արաբիայի արտաքին գործերի նախարար Ադել ալ-Ջուբեյրը ընդդիմադիր լրագրող Ջամալ Խաշոկջիի սպանության վերաբերյալ արձագանքը «հիստերիա» է որակել:
Այս մասին «Արմենպրես»-ը տեղեկանում է РИА Новости լրատվական գործակալությունից:
«Սաուդյան Արաբիայում և Թուրքիայում շարունակվում է գործի վերաբերյալ հետաքննությունը, ամեն օր նոր ապացույցների վերաբերյալ հետաքննություն ենք իրականացնում: Մի քանի մարդիկ չարաշահել են իրենց լիազորությունները», - ասել է նախարարը Բահրեյնում ունեցած ելույթի ժամանակ՝ կոչ անելով լրատվամիջոցներին սպասել հետաքննության արդյունքներին, որը, ըստ Ջուբեյրի, ժամանակ է պահանջում:
Ադել ալ-Ջուբեյրը նաև ընդգծել է, որ անկախ տեղի ունեցածից՝ Սաուդյան Արաբիան «երկաթյա» հարաբերություններ ունի ԱՄՆ-ի հետ, և ի տարբերություն Բարաք Օբամայի նախագահության ժամանակաշրջանի, երբ նրանց հարաբերություններում «դժվար ժամանակներ» էին, ներկայումս ԱՄՆ գործող նախագահ Դոնալդ Թրամփի քաղաքականությունն իրենց երկրի հանդեպ գնահատում են որպես «ռացիոնալ և իրատեսական»:
Ընդդիմադիր լրագրողն անհետացել էր Ստամբուլում երկրի հյուպատոսություն մուտք գործելուցհետո: Ըստ թուրքական ոստիկանության վարկածի՝ լրագրողը սպանվել է Ստամբուլում` Սաուդյան Արաբիայի հյուպատոսության շենքի ներսում: Մինչդեռ հյուպատոսարանիցտեղեկացնում էին, թե Խաշոկջին կորել է հյուպատոսության շենքից դուրս գալուց հետո:
Ավելի ուշ Սաուդյան Արաբիան հաստատել էր, որ լրագրողը մահացել է, ըստ նրանց՝ դեպքըտեղի է ունեցել հյուպատոսության ներսում ծագած վեճի հետևանքով: