Ղրղզստանի իշխանությունները խստացրել են հարսնացուների առեւանգման համար պատիժը
ՄԻՋԱԶԳԱՅԻՆՂրղզստանում խստացրել են ամուսնության նպատակով հարսնացուների առեւանգման համար պատիժը՝ 7 տարուց մինչեւ 10 տարի, հաղորդում է «Ինտերֆաքսը»՝ վկայակոչելով «Կանանց խաղաղության բանկ» հասարակական իրավապաշտպան կազմակերպության ղեկավար Գուլսանա Աբիտովային:
«Նոր ՔՕ-ում, որը տարվա սկզբից ուժի մեջ է մտել, խստացվել է հարսնացուների առեւանգման համար պատիժը եւ պատիժը նրանց համար, ովքեր 18 տարին չլրացած աղջիկներին ստիպում է ամուսնանալ», - ասել է նա:
Առեւանգումն իրականացրած անձանց համար պատիժը 7-ից 10 տարի է ավելացվել: Անձինք, ովքեր անչափահասներին դրդում են ամուսնության, պետք է 200 հազար սոմի չափով տուգանք վճարեն(ավելի քան 3 հազար դոլար):
Աբիտովայի խոսքով՝ հանրապետությունում վերջին անգամ հարսնացուի առեւանգման համար պատիժը խստացրել էին 2013-ին, սակայն իրավիճակն առանձնապես չի փոխվել:
«Ընտանիք կազմելու նպատակով երիտասարդ աղջիկների առեւանգումը շարունակվում է, անգամ դեպքեր են եղել, երբ աղջիկները առեւանգումից հետո ինքնասպանություն են գործել», - ասել է իրավապաշտպանը:
Նա նշել է, որ Ղրղզստանի օրենսդրության համաձայն երկրում ամուսնական տարիքը սկսվում է 18 տարեկանից, սակայն հաճախ հարսնացուի առեւանգման դեպքում կամ ինչպես Ղրղզստանում է կոչվում «ալա կաչուու»-ի, աղջկա եւ տղայի ծնողները եւ հարազատները փորձում են հարթել գործը եւ հազվադեպ են դիմում իրավապահ մարմիններին, իսկ դատարան են հասնում եզակի դեպքեր:
Ղրղզստանում հարսնացուների առեւանգման թեմաները քննարկում են արդեն մի քանի տարի, հարսնացուների առեւանգման համար քրեական պատասպանատվության ուժեղացման համար հասարակական քննարկումների ալիքը նորից է բարձրացել այն բանից հետո, երբ 2018-ի մայիսին ՆԳ վարչության շենքում տղամարդը սպանել էր առեւանգած աղջկան:
Ղրղզստանի իրավապաշտպանները նշում են, որ հարսացուների առեւանգման խնդիրը լուրջ սոցիալական հետեւանքներ է իր հետ բերում: Նման ամուսնությունները սովորաբար պաշտոնապես չեն գրացվում եւ կանայք, անգամ երեխա ուեննալու դեպքում, զրկվում են ունեցվածքի նկատմամբ բոլոր իրավունքներից եւ այլ երաշխիքներից, իսկ երբեմն կարող են փողոցում հայտվել: