Լուկաշենկոն դիմել է Ուկրաինայի եղբայրական ժողովրդին
ՄԻՋԱԶԳԱՅԻՆԲելառուսի նախագահ Ալեքսանդր Լուկաշենկոն դիմել է ուկրաինացիներին՝ ցավակցություն հայտնելով Խարկովի մոտակայքում Ան-26 ռազմական տրանսպորտային ինքնաթիռի կործանման կապակցությամբ: Այս մասին հաղորդել է «БЕЛТА»-ն:
-Բելառուս ժողովրդի և անձամբ իմ կողմից անկեղծ ցավակցություն և աջակցության խոսքեր եմ հայտնում Ուկրաինայի եղբայրական ժողովրդին, մահացածների հարազատներին և մտերիմներին, - ասել է Լուկաշենկոն:
Սեպտեմբերի 25-ին Ան-26 ինքնաթիռը կործանվել է Խարկովի շրջանում: Կործանումը տեղի է ունեցել ուսուցողական թռիչքի ժամանակ ռազմական օդանավակայանից երկու կիլոմետր հեռավորության վրա, ինչից հետո օդանավն այրվել է: Աղետի հնարավոր պատճառը շարժիչի խափանումն է: Իրավապահները ստուգում են ինքնաթիռի կործանման ևս երեք պատճառ, որոնց շարքում անձնակազմի կամ թռիչքների համար պատասխանատու անձանց կողմից պարտականությունների ոչ պատշաճ կատարումն է, ինչպես նաև ինքնաթիռի՝ ստանդարտներին չհամապատասխանող տեխսպասարկումը:
Նյութը հրապարակման պատրաստեց Լիլիթ Ամիրաղյանը