Վարչապետ կոչեցյալը քծնում, սողում, ամեն կերպ ուզում է հաճոյանալ թշնամի երկրին, ոտնահարելով մեր արժանապատվությունը. Ավետիք Իշխանյան

Աներևակայելի է, Հայաստանի վարչապետ կոչեցյալը, հայկական տեղանունները կոչում է ադրբեջանական տարբերակներով։ Իսկ կառավարության որևէ անդամ չի հակաճառում, շիշը գլխին չի նետում, ցուցադրաբար դահլիճից դուրս չի գալիս։ Այն դեպքում, երբ Ադրբեջանի նախագահը ողջ Հայաստանն է համարում արևմտյան Ադրբեջան և Հայաստանի շրջանները, քաղաքներն անվանում ադրբեջանական անվանումներով, կարծես հանրության մեջ դժգոհություն էր դրսևորվում։ Պարզվում է, որ այդ ամենն անկեղծ չէր։ Պարզվում է, որ ոչ միայն կառավարության անդամները, ՔՊ-ական պատգամավորները, այլև բոլորս զուրկ ենք արժանապատվությունից։ Վարչապետ կոչեցյալը քծնում, սողում, ամեն կերպ ուզում է հաճոյանալ թշնամի երկրին, ոտնահարելով մեր արժանապատվությունը, իսկ մենք ․․․իսկ մեզնից ոմանք, լավագույն դեպքում գրառումներ ենք կատարում։ Չզարմանաք, որ շուտով Հայաստան անունը պաշտոնապես փոխարինվի Էրմենիստանով, վարչապետն էլ՝ Էրմենիստան վիլայեթի փաշա։