Ռուսաստանում ամուսինները հում սննդի դիետայի պատճառով սովամահ են արել 2-ամյա դստերը

Ռուսաստանաբնակ 35-ամյա Սվետլանան և 36-ամյա Դենիսը, սպանել են իրենց սեփական երեխային։

Ինչպես գրում է Shot տելեգրամյան ալիքը, նրանք որոշել են երրորդ դստերը կերակրել հում սննդի սկզբունքներով և նրա սննդակարգից բացառել են միսը, ձուկը, ձուն, կաթը և այլ մթերքները։ Երեխան ստացել է միայն բանջարեղեն, մրգեր և «կենդանի յուղեր»:

Արդյունքում՝ երեխայի մոտ առաջացել է սննդային խրոնիկական խանգարում և անեմիա։

Հաղորդվում է, որ նույնիսկ այն ժամանակ, երբ նրանց երկու տարեկան դուստրը սկսել է ակնհայտ առողջական խնդիրներ ունենալ, ծնողները սկզբունքորեն հրաժարվել են նրան հիվանդանոց տեղափոխելուց և բուժել են տանը։ Աղջիկը հիվանդացել է և երկու օր անց մահացել։

Նշվում է, որ զույգը Ռուսաստանում հայտնի ծոմապահության մասնագետ Դմիտրի Լապշինովի երկրպագուներն էին։