ՌԴ փոխարտգործնախարարը Բաքվում քննարկել է Ադրբեջանի հետ դաշնակցային համագործակցության մասին հռչակագիրը

Ռուսաստանի Դաշնության արտաքին գործերի նախարարի տեղակալ Միխայիլ Գալուզինը հոկտեմբերի 20-ին Բաքվում խորհրդակցություններ է անցկացրել Ադրբեջանի արտգործնախարարի տեղակալ Շարիֆովի հետ։ Այս մասին հայտնում է ՌԴ ԱԳՆ-ն։

Քննարկվել են ռուս-ադրբեջանական հարաբերությունների վիճակն ու հեռանկարները՝ շեշտադրելքվ  երկկողմ ընթացիկ օրակարգի ակտուալ հարցերը։

Քննարկվել են քաղաքական երկխոսության հետագա խորացման, առևտրատնտեսական, մշակութային, հումանիտար և միջտարածաշրջանային համագործակցության ընդլայնման հնարավորությունները՝ Ռուսաստանի Դաշնության և Ադրբեջանի միջև դաշնակցային համագործակցության մասին 2022 թվականի փետրվարի 22-ի հռչակագրի դրույթներին համապատասխան։