Կանադուհին դիմահարդարման արվեստը նոր մակարդակի է հասցրել` տեսողական պատրանքներ ստանալով (լուսանկարներ)

tert.am-ը գրում է.

Կանադայի Վանկուվեր քաղաքի 31-ամյա բնակչուհի Միմի Չոյը հայտնի է դարձել իր յուրատեսակ տաղանդի և ստեղծագործական մտքի շնորհիվ:

Ինչպես հայտնում է Oddity Central-ը, կանադուհին դիմահարդարման հմուտ վարպետ է դարձել և մի քանի ժամվա աշխատանքից հետ իր իսկ դեմքը վերածում է տեսողական պատրանք թվացող տեսարանի, որն առաջին հայացքից ֆոտոշոփի տպավորություն է թողնում:

Կանադուհին նախկին ուսուցիչ է: Դիմահարդարմամբ սկսել է զբաղվել 3 տարի առաջ` հատուկ դասընթացների հաճախելուց հետո:

Միմին իր տեսողական պատրանքի նմանվող դիմահարդարման շնորհիվ 140 000 հետևորդ է ձեռք բերել Instagram-ում: Օգտատերերից շատերն անգամ չեն հավատում, որ նրա հրապարակած լուսանկարները դիմահարդարման արդյունք են: