6,2 մագնիտուդ ուժգնությամբ երկրաշարժ է տեղի ունեցել

Ֆիլիպինյան կղզիներում 6,2 մագնիտուդով երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։

Էպիկենտրոնը գտնվել է Լինգիգ քաղաքից (Մինդանաո կղզի) 47 կմ հյուսիս-արեւելք, որտեղ ապրում է մոտ 6,4 հազար մարդ։ Օջախն ընկել է 10 կմ խորության վրա։

Զոհերի և ավերածությունների մասին տեղեկություններ չկան։ Ցունամիի սպառնալիք չի հայտարարվել։
Ավելի վաղ սեյսմոլոգները հայտնել էին նույն տարածքում 6,7 մագնիտուդով մեկ այլ երկրաշարժի մասին։