11-ամյա փոքրիկ աղջնակի ամուսնության պատմությունը մեծահասակ տղամարդու հետ, որի մասին պետք է աշխարհն իմանա. Շոկային տեսանյութ.

101 սեքս փաստ տղամարդկանց մասին 

Ասա այս բառերը սեքսից հետո

Քեզ հետ երջանիկ պահեր ապրելուց հետո նա ցանկանում է.

Առավել մանրամասն՝ Այստեղ

1. լսել, որ նա կարողացավ քեզ հաճույք պատճառել,
2. քնել:

Հետևիր մեր հուշումներին, և նա քուն կմտնի որպես կատարյալ երջանիկ մարդ:

«Այն, ինչ դու անում ես քո լեզվով, անկրկնելի է»:

Գովաբանիր նրան որևէ արարքի համար: Այդպիսով՝ նա կիմանա, որ դա քեզ իրոք դուր է եկել, և կհասկանա, թե կոնկրետ ինչ կուզեիր ստանալ հաջորդ անգամ:

«Քեզ հետ այնքան զվարճալի է անկողնում»։

Զվարճալի լինելը տղամարդիկ համարում են մեծ նվաճում: Իսկ սեքսից հետո դա լսելն առանձնակի հաճելի է, քանի որ սիրային խաղերից հետո իր պիկին հասած օքսիտոցին հորմոնի ազդեցության տակ նա ձգտում է աղջկա հետ հասնել առավել մտերմության:

«Օ՜հ, ես մինչ այդ երբեք դա չէի փորձել»։

Տղամարդկանց հպարտությունը շոյում է այն հանգամանքը, որ նրանք կարողանում են որևէ նոր ու անսպասելի բացահայտում անել քեզ համար: Եթե նոր, յուրահատուկ դիրքեր փորձելը քեզ հաճելի է, պարբերաբար տեղյակ պահիր նրան այդ մասին:

Վերծանիր նրա ֆլիրտային տրամադրության բուն նպատակը

Կանզասի համալսարանի գիտնականները պարզել են, որ տղամարդու՝ սիրահետելու եղանակը վկայում է այն մասին, թե ինչպես է նա ընկալում կնոջը` որպես ապագա ընկերուհի՞, թե՞ ընդամենը մեկ գիշերվա զվարճանք: Երբ հաջորդ անգամ որևէ երիտասարդ քեզ ուշադրության նշաններ ցույց տա, ուսումնասիրիր նրան մեր սանդղակի միջոցով:

1. Ո՞րն է նրա առաջին քայլը, երբ ձեր հայացքները հանդիպում են բարում։

A. Նա պարգևում է քեզ շլացուցիչ ժպիտ:
B. Մոտենում է քո սեղանին և ներկայանում:

2. Քեզ խմիչք հյուրասիրելուց հետո նա.

A. Որոշ ժամանակ է անցկացնում ձեր սեղանի շուրջ՝ քո ընկերների հետ միասին:
B. Առաջարկում է քեզ առանձնանալ բարում:

3. Երբ նա առաջարկում է միասին բիլյարդ խաղալ.

A. Գայթակղիչ տոնով հարցնում է՝ արդյոք դու արդեն պատրաստ ես մոտալուտ պարտությանը:
B. Առաջարկում է օգնել առաջին հարվածի ժամանակ:

4. Նա նկատում է, որ դու հետաքրքրում ես նաև մեկ այլ տղայի: Ի՞նչ է նա ասում այդ դեպքում.

A. «Իմ առջև այս բարի ամենագեղեցիկ աղջիկն է»:
B. «Այդ տղան, որ ուշադիր զննում է քեզ, շատ խղճուկ տեսք ունի»:

Խաղային ֆլիրտ

Նա հետաքրքրված է ոչ միայն հաճելի ժամանակ անցկացնելու հեռանկարով, այլ հենց քեզնով: Նա պատկանում է անկեղծ, ոչ եսասեր տղամարդկանց տիպին, կենտրոնացած չէ ինքնահաստատման վրա և սրտանց ուզում է հասկանալ՝ արդյոք ձեր միջև հնարավոր են ավելի լուրջ հարաբերություններ:

Ագրեսիվ ֆլիրտ

Իհարկե, երբեմն նման վարքագծի պատճառը տղամարդու հաստատակամությունն ու քո հանդեպ ունեցած տրամադրվածությունն է: Սակայն մասնագետները պարզել են, որ համառ տղամարդիկ, որոնք ֆլիրտի ընթացքում վարում են քեզ գայթակղելու տակտիկա և ձգտում են քեզ առանձնացնել ընկերներիցդ, ամենայն հավանականությամբ ցանկանում են ընդամենը հաճելի երեկո անցկացնել քեզ հետ:

Համբուրիր նրան այսպես

Հարցմանը մասնակցած տղամարդկանց գրեթե կեսը երազում է անմոռանալի կեսգիշերային համբույրի մասին՝ հաջողված ժամադրությունից հետո:

Թեթև համբույր շուրթերի հպումով 5%
Ֆլիրտային համբույր շուրթերով, բայց` առանց լեզվի 25%
Կրքոտ համբույր լեզվով 48%
Ագրեսիվ համբույր՝ շուրթերը կծոտելով 22%

Նրանց հանդիպումների գաղտնի ժամանակացույցը

Մենք փորձեցինք տղամարդկանցից պարզել, թե այս կամ այն արարքի համար քանի հանդիպում է հարկավոր: Բնականաբար, ամենևին չզարմացանք, որ համատեղ գիշերվա համար, ըստ տղամարդկանց, ընդամենը մեկ հանդիպումն էլ բավական է:

Հարաբերությունների ժամանակացույց

1-ին հանդիպում / 2-րդ հանդիպում / 3-րդ հանդիպում

1. Գիշեր անցկացնել աղջկա հետ
2. Թույլ տալ աղջկան փակել հաշիվը
3. Ծանոթացնել աղջկան ընկերների հետ
4. Ավելացնել Facebook-ի ընկերների ցանկում
5. Կիսել աղջկա հետ առօրյա գործերը, ասենք` միասին մթերք գնել
6. Պատմել ծնողներին աղջկա մասին
7. Զանգել աղջկան՝ պարզապես զրուցելու համար
8. Ասել. «Դու ինձ դուր ես գալիս»
9. Անկեղծ զրույց ունենալ
10. Աղջկա համար ընթրիք պատրաստել

Խելամտությո՞ւն, թե՞ անհեթեթություն

Տարօրինակությունները սովորաբար վանում են տղամարդկանց: Սակայն, ըստ մեր հարցման, մի շարք տղամարդկանց քո արտասովորությունը կարող է նույնիսկ գրավել:

Նա հաճախ կոմբինեզոն է կրում 70 %
Հարսանեկան արարողություններին ներկայանում է առօրյա հագուստով 53 %
Ամեն անգամ արտասվում է` սենտիմենտալ ֆիլմեր դիտելիս 40 %
Մեջբերումներ է անում հոլիվուդյան ֆիլմերից 27 %
Պարում է «Ճուտիկների պարը» հասարակական վայրերում 23 %
Սիրում է ինքնիրեն բարձրաձայն երգել 13 %

Հատուկ հնարք՝ նրան վերջնականապես գերելու համար

Կեցցե՛ Սթեյսի Քեբլերը: Վերջերս նա ուղեկցում էր Ջորջ Քլունիին ինչ-որ երեկույթի ժամանակ: Սակայն նրա հետ ձեռք ձեռքի բռնած քայլելու փոխարեն աղջիկը թողեց ուղեկցի ձեռքն ու սենյակ մտավ միայնակ... Այժմ Քլունին լիովին տարված է այս գեղեցկուհով: Պատճառը շատ պարզ է. տղամարդիկ մտավախություն ունեն, որ համատեղ հարաբերությունների արդյունքում թե՛ իրենք, թե՛ կանայք կկորցնեն իրենց անկախությունը: Ուստի, այլ մարդկանց հետ շփվելով, դու ցույց ես տալիս տղամարդուն, որ անկախ և ինքնավստահ մարդ ես, որն ինքնուրույն նույնպես կարող է հիանալի ժամանակ անցկացնել:

Սիրային խորհուրդ անզուգական ուսուցչից

Յան Հարգինդը խաղում է Էզրայի՝ բոլոր աղջիկների հիացմունքի առարկա ուսուցչի դերը ABC Family ընկերության «Համակրելի փոքրիկ ստախոսները» (Pretty Little Liars) սերիալում: Պարզվում է, որ նա իրական կյանքում ևս դեմ չէր լինի որոշ խորհուրդներ տալ:

Հ. Ի՞նչն է քեզ առավել շփոթության մեջ գցում աղջիկների հետ հարաբերություններում։

Պ. Շատ բան, սակայն մասնավորապես կուզեի նշել, որ այդպես էլ չկարողացա հասկանալ, թե այդ ինչպես է, որ նրանք երբեմն ասում են մի բան, սակայն նկատի ունեն բոլորովին այլ բան: Օրինակ՝ պատրաստվում ես տնից դուրս գալ ընկերներիդ հանդիպելու համար: Աղջիկը պատասխանում է. «Իհարկե գնա, ամեն ինչ կարգին է»: Իսկ ընդամենը մեկ ժամ անց զանգ ես ստանում և լսում «Որտե՞ղ ես մինչև հիմա» դժգոհ հարցը:Մի՞թե չէր կարելի հենց սկզբում ասել, որ քեզ այնքան էլ դուր չի գալիս այդ գաղափարը:

Հ. Այսինքն՝ դու գտնում ես, որ աղջիկը կարող է տնօրինել տղայի երեկոն և արգելել նրան հանդիպել ընկերների հետ:

Պ. Եթե նա կարողանա ինձ հիմնավոր պատճառաբանություն տալ, թե ինչու է այդպես մտածում, ես նրան կհասկանամ: Օրինակ՝ նա կարող է ասել. «Դու վերջերս շատ ես աշխատում, և ես քեզ համարյա չեմ տեսնում»: Այդ դեպքում տղան անպայման նրան ընդառաջ կգնա:

Հ. Փաստորեն, դու սիրում ես ուղղամիտ աղջիկների՞:

Պ. Այո՛, հակառակ դեպքում ես շփոթության մեջ եմ ընկնում աղջկա ուղարկած խաբուսիկ ազդակներից: Ես ժամանակ չունեմ նման բաներով զբաղվելու և կնախընտրեմ գտնել մեկ այլ աղջկա, ում հետ այդպիսի խնդիրներ չեն ծագի:

Հ. Քո տեսանկյունը պարզ է: Եվ մի վերջին հարց. ո՞րն է, քո կարծիքով, երկարատև հարաբերությունների գաղտնիքը:

Պ. Հարգանքը: Դա վստահություն է ձևավորում, իսկ երբ ձեր հարաբերությունները բաց են ու անկեղծ, կարող եք ցանկացած խենթություն փորձել միասին:

Երբ նա դնում է իր նախկին ընկերուհուն պատվանդանի վրա...

Ռայան Գոսլինգն իր վերջին հարցազրույցներից մեկում հայտարարել է, որ իրեն բախտ է վիճակվել հանդիպել բոլոր ժամանակների երկու հիասքանչ կանանց հետ` նկատի ունենալով Սանդրա Բուլոքին և Ռեյչել ՄըքԱդամսին: Մի՞թե դա նշանակում է, որ նրա ներկայիս հիացմունքի առարկան` Էվա Մենդեսը, չի կարող համեմատվել նրանց հետ: Ամենևին ոչ: Եթե տղան չի խոսում իր նախկին ընկերուհու մասին օրնիբուն (ինչը մտածելու տեղիք կտար), ապա նրա հիացմունքն ու գովասանքներն ընդամենը վկայում են նախկին ընկերուհու հանդեպ ունեցած հարգանքի և առհասարակ կանանց նկատմամբ պատշաճ վերաբերմունքի մասին:

«Դավաճան» Google

Նա կարող է ջնջել իր «որոնումների» պատմությունը, սակայն Google-ը երբեք չի մոռանում: Ահա թե որոնք են ամենափնտրվող հարցերը:

Ինչո՞ւ է իմ ընկերուհին ինձ...
Ինչո՞ւ է իմ ընկերուհին ինձ ատում։
Ինչո՞ւ է իմ ընկերուհին ինձ անտեսում։
Ինչո՞ւ է իմ ընկերուհին ինձ ստում։

Ինչո՞ւ իմ ընկերուհին ինձ չի...
Ինչո՞ւ իմ ընկերուհին ինձ չի սիրում։
Ինչո՞ւ իմ ընկերուհին ինձ չի վստահում։
Ինչո՞ւ իմ ընկերուհին ինձ չի զանգահարում։
Ինչո՞ւ իմ ընկերուհին ինձ չի գրում։

Մերօրյա բառարան

«Տնային ընկեր» (գոյական)
Տղա, որի հետ հանդիպում են ընդամենը մի քանի ամիս, ապա բաժանվում: Նա հիանալի է անկողնում, կայացած է, հաճելի, սակայն դու ինչ-ինչ պատճառներով չես ցանկանում նրա հետ հասարակության մեջ հայտնվել՝ նախընտրելով միայն «տնային» հանդիպումները: