Դա ազատություն չէ՛, դա գարշելիությու՛ն է. Եվգենի Պետրոսյանը ժամանակակից կատակների մասին

Ռուսաստանի հանրահայտ հայազգի հումորիստ Եվգենի Պետրոսյանը գնահատել է ժամանակակից հումորիստների անպարկեշտ կատակները: Յութուբյան “Эмпатия Манучи” ալիքին տված հարցազրույցի ընթացքում նա դատապարտել է նման ելույթները և ասել, որ հումորիստները՝ հանդիսատեսի հետ միասին, “ծայրաստիճան իջել են”:

-Հումորը պետք է բարի լինի: Ես հավատով մարդ եմ, ես սատանայություն եմ համարում այն, երբ երիտասարդ կինը բեմ է բարձրանում, ցույց տալիս իր հեռախոսը և նշում, թե ինչպես է այն վաստակել սեռական ճանապարհով, - նշել է Պետրոսյանը, - հանդիսատեսը ծափահարում է: Նա հավանություն է տալիս դրան: Ես հասկանում եմ, որ մենք սպառնալի դրության մեջ ենք գտնվում:

Հումորիստի կարծիքով, նման կատակների ժողովրդականության պատճառով, արտիստներն “իրենց հնարավորություններում ծայրաստիճան իջել են”:

-Դա ազատություն չէ՛, դա գարշելիությու՛ն է, - շեշտել է նա՝ եզրափակելով, որ ապագայում նման հումորը կարող է հանգեցնել նրան, որ արտիստները “հեռուստատեսությանը բոլոր մանրամասներով ցույց կտան, թե ինչ են անում զուգարանում”:

 Նյութը հրապարակման պատրաստեց Լիլիթ Ամիրաղյանը

Ավելին այստեղ