Պատմության այս օրը (հունվարի 16)

ՊԱՏՄՈՒԹՅԱՆ ԱՅՍ ՕՐԸ 16 January, 2021 10:35

ՈՐՈՇ ՏՈՆԵՐ - Բիթլզի համաշխարհային օր, Իսրայել՝ Դրոշի օր կամ Դավթի աստղի օր։

ՀԱՅԱՍՏԱՆՈՒՄ

1894 - ծնվել է բանաստեղծ Մատթեոս Զարիֆյանը:

1910 – ծնվել է առակագիր, բանաստեղծ, դրամատուրգ, թարգմանիչ Արշավիր Դարբնինը:

1921- Հայաստանի կոմկուսի Երևանի կազմակերպության առաջին կոնֆերանսում կուսակցության Երևանի քաղկոմի քարտուղար է ընտրվել Աղասի Խանջյանը:

1924 - Երևանի նախկին պարետային վարչության հրապարակը վերանվանվել է Լենինի անունով (այժմ` Հանրապետության հրապարակ):

1969 - կայացել է Հայաստանի մշակույթի աշխատողների առաջին համագումարը:

1972 – վախճանվել է ամերիկահայ դերասան, դաշնակահար Ռոս Բաղդասարյանը:

1989 – Մոնթե Մելքոնյանը Ֆրանսիայում ազատվել է բանտից, որտեղ նա հայտնվել էր իբր ահաբեկչություն կազմակերպելու մեղադրանքով:

2002 - նախագահ Ռոբերտ Քոչարյանի հրամանագրով նորաստեղծ Քաղաքացիական ծառայության խորհրդի նախագահ է նշանակվել Ազգային Ժողովի «Միասնություն» խմբակցության անկուսակցական պատգամավոր Մանվել Բադալյանը:

2006 - ՄԱԿ֊-ի Պարենի եւ գյուղատնտեսության կազմակերպությունը (FAO) զգուշացրել է, որ թռչնագրիպը կարող է արդեն դուրս եկած լինել Թուրքիայի սահմաններից և հորդորել է Հայաստանին, Իրանին, Իրաքին եւ Սիրիային խստացնել կանխարգելիչ միջոցառումները:

2007 - վախճանվելէ Իսրայելի քնեսետի պատգամավոր, Իսրայել - Հայաստան խորհրդարանական խմբի երկարամյա ղեկավար Յուրի Շտեռնը:

2008 - ամփոփվել է «Հայկական երկաթուղի» ընկերությունը կոնցեսիոն կառավարման հանձնելու մրցույթը, որը շահել է «Ռուսաստանի երկաթուղիներ» ընկերությունը:

2013 – սպանվել է ազգությամբ եզդի, ռուսաստանյան քրեական հեղինակություն, օրենքով գող Ասլան Ուսոյանը, որը հայտնի է «ԴեդՀասան» մականունով։

2020 - Կառավարության դիմաց ցույցի հավաքված անասնապահները բողոքել են հունվարի 15-ից մորթը միայն սպանդանոցներում լինելը սահմանափակող կառավարության որոշման դեմ։

ԱՇԽԱՐՀՈՒՄ

մ.թ.ա. 27 – Գայոս Օկտավիանոսը Հռոմեական սենատի կողմից ստացել է «Օգոստոս» կոչումը` դառնալով Հին Հռոմի առաջին կայսրը:

929 — Կորդովայի էմիր Աբդ-ար-Ռահման 3-րդ ըստ անալով խալի ֆիկոչում Կորդովան հայտարարել է անկախ խալիֆություն:

1547 – թագադրվել է ամենայն Ռոսիո առաջին ցար Իվան 4-րդ Ահեղը:

1581 - Անգլիայի պառլամենտը կաթոլիկությունը հայտարարվում է օրենքից դուրս:

1605 - Մադրիդում լույս է տեսել Միգել Սերվանտեսի «Դոն Քիշոտ» վեպը:

1675 — ծնվել է ֆրանսիացի քաղաքական գործիչ և պատմագիր Լուի դե Ռուբրուգա Սեն-Սիմոնը:

1728 – ծնվել է իտալացի կոմպոզիտոր Նիկոլո Պիչինին:

1780 – Ջորջ Ռոդնիի ղեկավարած անգլիական նավատորմը Սան-Վինսենթ հրվանդանի մոտ, հաղթելով իսպանացիներին, ազատագրել է Ջիբրալթարը:

1794 – վախճանվել է անգլիացի պատմաբան Էդվարդ Գիբբոնը:

806 — վախճանվել է ֆրանսիացի քիմիկոս-տեխնոլոգ Նիկոլյա Լեբլանը, որը հայտնագործել է աղից կալցինացված սոդա ստանալու եղանակը:

1820 – ռուս ծովագնաց Ֆադեյ Բելինսհաուզենը առաջին անգամ հասել է Անտարկտիդա:

1901 - ծնվել է Կուբայի 9-րդ նախագահ Ֆուլխենսիո Բատիստան:

1909 —Էռնեստ Շեկելտոնի արշավախումբը հայտնագործել է երկրագնդի հարավային մագնիսական բևեռը:

1920 - Փարիզում առանց ԱՄՆ-ի ներկայության կայացել է Ազգերի լիգայի առաջին նիստը:

1936 — մահապատժի է ենթարկվել ամերիկացի սերիական մարդասպան, մանյակ և մարդակեր Ալբերտ Ֆիշը:

1943 – Հայրենական մեծ պատերազմի ժամանակ Կրասնոդոնի № 5 հանքում մահապատժի են ենթարկվել Երիտասարդ գվարդիականները:

1944 — Երկրորդ համաշխարհային պատերազմի ժամանակ ամերիկացի գեներալ Դուայտ էյզենհաուերը նշանակվել է դաշնակիցների էքսպեդիցիոն կորպուսի գերագույն հրամանատար:

1945 – վախճանվել է խորհրդային դիրիժոր և երգահան Լև Շթայնբերգը:

1957 — Լիվերպուլում բացվել է «The Cavern» ակումբը, որը հանրահռչակ է նրանով, որ այնտեղ սկսել են ելույթ ունենալ «The Beatles» խմբի անդամները:

1967 — վախճանվել է ամերիկացի ֆիզիկոս,էլեկտրոստատիկ գեներատորի հայտնագործող Ռոբերտ Վան դե Գրաֆֆը:

1979 - Իրանի Խորասան մարզում տեղի է ունեցել ուժեղ երկրաշարժ, որի զոհ են դարձել հարյուրավոր մարդիկ:

1992 – ծնվել է սլովենացի երգչուհի Մայա Կեուչը:

2002 – ՄԱԿ-ի Անվտանգության Խորհուրդը միաձայն քվեարկությամբ որոշել է պատժամիջոցներ կիրառել «Ալ-Քաիդա» և «Թալիբան» շարժումների նկատմամբ:

Նյութը հրապարակման պատրաստեց Կամո Խաչիկյանը

www.1or.am