ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Վանաշենում 13-ամյա Գագիկի դիակի մոտ հայտնաբերվել է 2 պայթուցիկ եւ 10 փամփուշտ. պատմում են հարեւանները (Ֆոտո)

ՊԱՏՄՈՒԹՅԱՆ ԱՅՍ ՕՐԸ
 


Արարատի մարզի Վանաշեն գյուղում մահացած հայտնաբերված 13-ամյա Գագիկի դիակի մոտ հայտնաբերվել է պայթուցիկ նյութ եւ 10 փամփուշտ: Այս մասին NEWS.am-ին ասաց տղայի հարեւաններից Հրանտ Գրիգորյանը` նշելով, որ իրենք պայթյունի ձայնը լսելով դուրս են եկել եւ երեխային հայտնաբերել նրանց տան դիմաց արդեն մահացած վիճակում:

Հարեւանի խոսքով` դեռ պարզ չէ, թե 13-ամյա երեխայի մոտ ինչպես կարող էին հայտնվել պայթուցիկ նյութերն ու փամփուշտները: Մեր տեղեկություններով, իրավապահ մարմիններն արդեն խուզարկել տունը, որտեղ ապրել է նա եւ ոչինչ չեն հայտնաբերել:

NEWS.am-ի թղթակիցը Վանաշենից հաղորդում է, որ երեկվանից քննչական գործողություններ են կատարվում դեպքի վայրում:

Նշենք, որ փոքրիկ տղան բնակվում էր տատիկի եւ մոր հետ: Նրանք առողջական խնդիրներ ունեն, Գագիկն աշխատում էր եւ պահում նրանց:

Հիշեցնենք, որ Ոստիկանության Արարատի մարզային վարչության օպերատիվ կենտրոն նոյեմբերի 20-ին երեկոյան ահազանգ է ստացվել, որ Վանաշեն գյուղի տներից մեկում երեխայի դի կա։ Ոստիկաններին եւ քննիչներին երեխայի տատը հայտնել է, որ երեխան ձեռքին ինչ-որ փամփուշտներ եկել է տուն, հետո դուրս եկել եւ  դուրս գալուց հետո տատը պայթյուն է լսել, որից հետո դուրս գալով՝ երեխային հայտնաբերել է մահացած։

Historical Dates ՊԱՏՄՈՒԹՅԱՆ ԱՅՍ ՕՐԸ
Most Popular