Հաջորդ պատերազմին սպասեք Ադրբեջանի կողմից մեծաքանակ ավիացիայի օգտագործում. Պապյան
ՊԱՏՄՈՒԹՅԱՆ ԱՅՍ ՕՐԸՀայաստանի եւ Ռուսաստանի միջեւ հակաօդային պաշտպանության միավորված համակարգ ստեղծելու մասին համաձայնագրով մեծանում է Արցախում պատերազմի հավանականությունը: Այս մասին այսօր՝ հուլիսի 4-ին, լրագրողների հետ հանդիպմանն ասաց «Մոդուս վիվենդի» կենտրոնի տնօրեն Արա Պապյանը:
«ՀՕՊ համաձայնագիրը թուլացնում է Հայաստանի դիրքերը, Ադրբեջանն այսքան ավիացիա ուներ, սակայն քառօրյա պատերազմում չօգտագործեց դրանք, քանի որ մենք ունենք հակաօդային պաշտպանության հզոր համակարգ: Խնդիր էր դրված, որ մենք այլեւս չունենանք ՀՕՊ, եւ Ղարաբաղն արդեն չունի հակաօդային պաշտպանության համակարգ: Հաջորդ պատերազմի ժամանակ սպասենք Ադրբեջանի կողմից մեծաքանակ ավիացիայի օգտագործում, որը կմեծացնի մեր զոհերի թիվը»,- ասաց Արա Պապյանը:
Ըստ վերլուծաբանի՝ ադրբեջանա– թուրքական մոտեցումն է Ռուսաստանի ճնշմամբ հասնել ԼՂՀ ազատագրված տարածքների հանձնմանը, իսկ հայ– ռուսական համատեղ ՀՕՊ–ի ստեղծումն առաջին քայլն է այդ ուղղությամբ։