Մոսկվան չի բացառում Սավչենկոյի փոխանակումը, բայց...
ՄԻՋԱԶԳԱՅԻՆՌուսաստանի նախագահի աշխատակազմի ղեկավար Սերգեյ Իվանովը չի բացառել ուկրաինացի օդաչու Նադեժդա Սավչենկոյի փոխանակումը երկու ռուս զինվորականների հետ, ովքեր Ուկրաինայում դատվում են ահաբեկչության մեղադրանքով:
Հիշեցնենք, որ Նադեժդա Սավչենկոն Ռուսաստանի դատարանի կողմից դատապարտվել է 22 տարվա ազատազրկման, ինչից հետո Ուկրաինայի նախագահ Պյոտոր Պորոշենկոն հանդես էր եկել առաջարկությամբ` փոխանակել օդաչուին երկու ռուս զինծառայողների հետ:
Իվանովը, BBC-ի փոխանցմամբ, ասել է, որ զուտ տեսականորեն փոխանակումը հնարավոր է, եթե կատարվեն երկու պայմանները` փոխանակումը համապատասխանի Ռուսաստանի օրենսդրությանը, որոշումը կայացնի ՌԴ նախագահը:
Միեւնույն ժամանակ, սակայն, Իվանովը բացառել է, որ փոխանակումը տեղի ունենա Մինսկյան համաձայնությունների շրջանակում, որով ենթադրվում է բոլոր ռազմագերիների փոխանակում Ուկրաինայի եւ Ռուսաստանի միջեւ: