30 հազարից ավելի նոր ուսուցիչներ են սկսել աշխատել Սիրիայի ազատագրված շրջաններում
ՄԻՋԱԶԳԱՅԻՆԸնթացիկ տարում Սիրիայի նահանգների դպրոցներում լրացուցիչ աշխատանքի են ընդունել 30 հազարից ավելի ուսուցիչների: Ինչպես լրագրողներին հայտնել Է երկրի լուսավորության նախարար Հազվան ալ Վազը, մանկավարժների հավաքագրումն անհրաժեշտ Է դարձել ահաբեկիչներից ազատագրված նահանգներում դպրոցների աշխատանքի վերսկսումից հետո, տեղեկացնում Է «Արմենպրես»-ը:
«Այս տարի Սիրիայի լուսավորության նախարարությունը լրացուցիչ աշխատանքի Է ընդունել 30 հազարի ուսուցիչների այն քաղաքներում, որոնք ազատագրվել են ահաբեկիչներից»,-ասել Է ալ Վազը:
Նախարարը նշել Է, որ այս ուսումնական տարվա սկզբին երկրի դպրոցներում կսկսեն դասավանդել շուրջ 350 հազար մանկավարժներ: «Նրանք աշխատանքն սկսել են արդեն օգոստոսի 26-ին: Մեզ մոտ միշտ Է այդպես. դպրոցի վարչակազմն աշխատանքն սկսում Է ուսումնական տարվա մեկնարկից մեկ շաբաթ առաջ»,-հավելել Է նա:
Ինչպես հաղորդվել Է, 2018 թվականին Սիրիայի դպրոցները պատրաստ են ընդունել շուրջ 4 մլն աշակերտների:
Սիրիայի կառավարությունը մշակել Է դպրոցներում փախստականների երեխաների ուսուցման արագացված ծրագիր, որպեսզի նրանք կարճ ժամանակում կարողանան լրացնել ահաբեկիչների դեմ պատերազմի պատճառով բաց թողնվածը, հայտնել Է լուսավորության նախարարը: Նա նշել Է, որ Սիրիայի իշխանությունները առաջիկա երեք տարում մտադիր են վերականգնել 4 հազար դպրոց, որոնք պատերազմի ընթացքում ավերվել են զինյալների կողմից: Նրա խոսքով, մոտավորապես նույնքան դպրոցներ երկրի նահանգներում ամբողջովին ավերվել են ահաբեկիչների կողմից եւ վերականգնման ենթակա չեն, հաղորդել Է ՌԻԱ Նովոստին: