Բուլղարացի լրագրողուհուն զբոսայգում մեռած են գտել կոռուպցիայի վերաբերյալ եթերից հետո
ՄԻՋԱԶԳԱՅԻՆԲուլղարացի լրագրողուհի Վիկտորյա Մարինովայի մարմինը՝ գլխին հասցված հարվածների եւ խեղդամահ անելու հետքերով, գտել են զբոսայգում: Իր վերջին հաղորդման ժամանակ նա պատմել Է կոռուպցիոն սխեմաների մասին, որոնք բացահայտել են նրա գործընկերները, տեղեկացնում Է «Արմենպրես»-ը՝ հղում անելով BBC-ին:
30-ամյա Մարինովայի մարմինը հայտնաբերել են հոկտեմբերի 7-ին: Կնոջից վերցրել են հեռախոսը, մեքենայի բանալիներն ու ակնոցը: Նա մասամբ մերկացված Է եղել եւ, ինչպես պարզել Է հետաքննությունը, բռնաբարված: Բուլղարիայի վարչապետ Բոյկո Բորիսովը հայտնել Է, որ հետաքննությունը բազմաթիվ հանցանշաններ ունի: Հանցագործին բռնելը ժամանակի հարց Է, հայտարարել Է նա:
Հետաքննությունը դիտարկում Է բոլոր վարկածները, ներառյալ նաեւ Մարինովայի լրագրողական աշխատանքի հետ կապված վարկածը: Միջազգային կազմակերպություններն իշխանություններից պահանջել են հնարավորինս արագ պատժել մեղավորներին:
«Ցնցված եմ Բոււլղարիայում հետազոտող-լրագրող Վիկտորյա Մարինովայի սարսափազդու սպանությունից»,-Twitter-ում գրել Է ԵԱՀԿ-ի ԶԼՄ-ների ազատության գծով ներկայացուցիչ Առլեմ Դեզիրը: Մարինովան «Դետեկտոր» ծրագրի հաղորդավարն Էր TVN բուլղարական հեռուստաալիքում: Նա լուսաբանում Էր կոռուպցիայի թեման եւ պատմում ԵՄ-ի կողմից ֆինանսավորվող նախագծերն իրացնելիս կատարված չարաշահումների մասին: