Սիրիական ընդդիմությունն ավարտեց Իդլիբից ծանր սպառազինության դուրսբերումը. Anadolu
ՄԻՋԱԶԳԱՅԻՆՍիրիական ընդդիմությունն ավարտել Է ծանր սպառազինության դուրսբերումն Իդլիբի ապառազմականացված գոտուց: Հոկտեմբերի 8-ին այս մասին հաղորդել Է Anadolu գործակալությունը, տեղեկացնում Է «Արմենպրես»-ը:
Նշվում Է, որ սպառազինությունը հետ Է քաշվել սիրիական զորքերի եւ զինված ընդդիմության շփման ամբողջ գոտուց: Անցած գիշեր ընդդիմությունն արագացրել Է սպառազինությունների, մասնավորապես, ականանետների, հաուբիցների եւ համազարկային կարկի հրթիռային կայանքների հետքաշման աշխատանքը: Միեւնույն ժամանակ Թուրքիայի զինված ուժերի Գլխավոր շտաբը, գործակալության տեղեկատվությամբ՝ դեպի Իդլիբի ապառազմականացված գոտի Է ուղարկել զրահատեխնիկա եւ սպառազինություն, որոնք կզբաղվեն տարածքի պարեկմամբ՝ Սոչիի համաձայնություններին համապատասխան, հաղորդել Է ՏԱՍՍ-ը: