Թուրքիայի բանակը հարվածել է սիրիական դիրքերի ուղղությամբ
ՄԻՋԱԶԳԱՅԻՆԹուրքիայի զինված ուժերը հրետակոծել են Սիրիայի կառավարական ուժերի վերահսկողության տակ գտնվող տարածքներից մեկի ուղղությամբ։
Դա տեղի է ունեցել այն բանից հետո, երբ ապառազմականացված գոտի հայտարաված Սիրիայի Իդլիբ նահանգում հարձակում էր տեղի ունեցել Թուրքիայի զինված ուժերի դիտակետերից մեկի վրա, որի հետևանքով 1 թուրք զինվոր էր սպանվել, ևս 3-ը վիրավորվել։ Թուրքական կողմի պնդմամբ՝ հարձակումը իրականացրել էին Սիրիայի կառավարական ուժերը։
Իդլիբում թուրք զինվորների վրա իրականացված հարձակումից հետո Թուրքիայում Ռուսաստանի դեսպանատան ռազմական կցորդը կանչվել է Թուրքիայի զինված ուժերի գլխավոր շտաբ։ Ռուս կցորդին տեղեկացրել են, որ հարձակումներն արժանանալու են խիստ պատասխանի։