Ղազախստանում հայկական համարանիշերով ավտոմեքենաների երթևեկությունը կսահմանափակվի
ՄԻՋԱԶԳԱՅԻՆՂազախստանի Ներքին գործերի նախարար Երլան Տուրգումբաևը հայտարարել է, որ պլանավորում են սահմանափակել հայկական, ղրղզական, ռուսական պետհամարանիշներով մեքենաների ժամանակավոր գրանցումը, հաղորդում է Tengrinews.kz լրատվականը:
«Շատ են բողոքները Հայաստանում, Ռուսաստանում և Ղրղզստանում գրանցված ավտոմեքենաների վերաբերյալ, որոնք խախտում են երթևեկության կանոնները»,- հայտնել է նախարար Տուրգումբաևը:
Նրա խոսքով` այդ համարանիշներով ավտոմեքենաների նկատմամբ ոչինչ չեն կարող անել, քանի որ դրանք գրանցված չեն Ղազախստանի տարածքում:
Այս որոշումն ընդունելու դեպքում` հարցը կքննարկվի Ղազախստանի Հանրապետության խորհրդարանում` ընթացիկ կամ հետագա օրենսդրական գործունեության սահմաններում: