Հայաստանի քաղաքացիները 2020 թվականին կզգան ԵՏՄ-ում ինտեգրման բոլոր պլյուսներն ու մինուսները. փորձագետ
ՔԱՂԱՔԱԿԱՆՈՒԹՅՈՒՆՀայաստանի քաղաքացիները 2020 թվականին կզգան Եվրասիական տնտեսական միությանն ինտեգրման բոլոր դրական եւ բացասական կողմերը։ Այս մասին լրագրողների հետ հանդիպման ժամանակ դեկտեմբերի 26-ին ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։
Նրա խոսքով՝ բացասական կլինի երրորդ երկրներից ավտոմեքենաների ներկրման մաքսատուրքերի ավելացումը, ինչն էապես կսահմանափակի Միություն վերարտահանելու հնարավորությունը։
«Իսկ դրական կլինի մասնակից երկրների հետ հարաբերությունների հետագա խորացումը, ինչը հայկական բիզնեսին նոր շուկաներ բացելու հնարավորություն կտա»,- նշել է նա։
Փորձագետն ընդգծել է, որ 2019 թվականը ԵՏՄ-ի համար բեկումնային չէր, եւ երկրները դեռեւս ուսումնասիրում են միմյանց։
«2020 թվականը այս իմաստով խիստ չի տարբերվի այս թվականից»,- եզրափակել է Իսկանդարյանը։